South Korea (Halqaran.com) – Dhammaan lammaanayaasha ku nool Changwon ee dalka Koonfurta Kuuriya ayaa heli doona 100 milyan oo lacagta dalkaasi ah una dhiganta 92,000 oo doolar. Lacagtaan waxaa heli doona keliya lammaanayaasha leh carruurta.
Warbaahinta South Korean Network oo loo soo gaabiyo KNN ayaa tabisay sheekadaan, waxaa lagu sheegay in lagula dagaalamayo hoos u dhaca bulshada gobolka iyo guud ahaan waddanka.
Haddii lammaanayaashu ay leeyihiin hal cunug deymaha boqolkiiba 30 ayaa laga cafin doonaa, haddii ay u joogto saddex cunug waxaa la sheegay in deymaha oo dhan laga wada cafinayo.
Waaxda qorsheynta ee magaalada Changwon ayaa laga soo xigtay in siyaasaddaan ay tahay curis cusub ayna badin doonto tirada dhalaneysa.
Xafiiska wararka Halqaran.com
Halqarannews@gmail.com
