Muqdisho (Halqaran.com) – Magaalada Muqdisho ee caasimadda dalka gaar ahaan Teendhada Afisyooni ayaa waxaa ka socota qaban-qaabadii ugu dambeysay ee uu ku furmayo shirka kaas oo u dhexeeya dowladda federaalka iyo maamul goboleedyada dalka.
Madaxda ka qeyb galeysa shirka ayaa goor dhow billaabaya in ay sii taggaan howlka shirka ka furmayo, iyadoona kolonyo galbineysa madaxweyne Farmaajo ay gaartay xarunta, sida lagu arkayay muuqaalo la soo duubay.
Sidoo kale madaxda dowlad goboleedyada ayaa la filayaa in ay taggaan Afisyooni, si ay uga qeyb galaan shirka madaxda ee manta furmaya.
Madaxweynayaasha dowlad goboleedyada Puntland iyo Jubbaland Saciid Cabdullaahi Deni iyo Axmed Maxamed Islaam ayaa shaki la gelinayaa ka qeyb galkooda shirka.
Shirkaan oo ay soo qaban qaabisay Beesha Caalamka ayaa waxaa looga hadli doonaa xaaladda siyaasadeed ee dalka iyo qilaafka ka taagan qabsoomidda doorashada Soomaaliya oo aan weli heshiis laga gaarin.
Xafiiska wararka Halqaran.com
Halqarannews@gmail.com
