Nairobi (Halqaran.com) – Madaxweynaha Somaliland Muuse Biixi Cabdi oo booqasho rasmi ah ku jooga magaalada Nairobi ayaa Isniinta maanta kulan la qaatay madaxwaynaha dalka Kenya Uhuru Kenyatta.
Madaxweynaha Kenya ayaa ku qaabilay madaxtooyada Madaxweyne Muuse Biixi iyo xubno kamid ah wafdigii la socday ee ka raacay Magaalada Hargeysa.
Muuse Biixi iyo wafdi uu hoggaaminayo oo shalay gaaray magaalada Nairobi ee dalka ayaa Madaxweyne Uhuru kenyata waxa ay kala hadleen arrimo ku saabsan xoojinta xiriirka iyo dardar-gelinta Ganacsiga.
Sidoo kale, wafdiga Madaxweynaha Somaliland oo booqashadooda qaadan doonto muddo sadex cisho ah ayaa waxaa ay kulamo la qaadan doonaan masuuliyiin kale oo dowladda Kenya ka tirsan.
Madaxtooyada Kenya oo ka hadashay kulanka Uhuru iyo Biixi ayaa sheegtay in maalinta berito oo Talaado ah ay markale wada kulmi doonaan labada mas’uul si ay u sii ambaqaadaan wada-hadallada u dhaxeeya.
Xafiiska Wararka Halqaran.com
Halqarannews@gmail.com
