Muqdisho (Halqaran.com) – Waxaa dagaal uu ka socdaa meel u dhow isgoyska Carwo Itko ee kala qeybiya degmooyinka Howl-wadaag iyo Wardhiigley ee Magaalada muqdisho.
Halka uu dagaalka ka socdo ayaa waxaa laga maqlayaa rasaaas fudud iyo baasuukayaal.
Illaa iyo hadda ma cadda cidda dagaalamaysa, waxaana jira khasaaro ka dhahay.
Wararka qaar ayaa waxaa ay sheegayaan in dagaalka uu u dhaxeeyo rag hubeysan oo watay Gaari, kuwaas oo isu dayay inay si awood ah ku maraan Bar-koontorool oo halkaasi ku taalla.
Sidoo kale wararka ayaa waxaa ay sheegayaan in raga hubeysan ay dhowr bamboo gacmeed ku tureen Xarunta Waaxda Afaraad ee Barwaqo oo ka tirsan degmada Warta-nabada ee gobolka Banaadir.
Xafiiska Wararka Halqaran.com
Halqarannews@gmail.com
