Mandheera (Halqaran.com) – Somaliland ayaa Khamiista maanta waxaa ay xukun dil toogasho ah ku fulisay 6 Nin oo hore Maxkamadaha Somaliland dil ugu xukumeen, kuwaas oo la sheegay inay dil geysteen.
Raggan ayaa muddo u xirnaa Somaliland, waxaana maanta lagu toogtay fagaaro ku yaalla duleedka Xabsiga deegaanka Mandheera gobolka Saaxil, iyada oo ay goobjoog ka ahaayeen ehellada dadka la dilay iyo kuwa wax dilay iyo sidoo kale mas’uuliyiinta Maxkamadda Gobolka Saaxil.
Lixda nin ee dilka toogashada ah lagu fuliyay ayaa waxaa dilkooda saxiixay Madaxweynaha Somaliland Mudane Muuse Biixi Cabdi, kaddib markii xukun lagu riday.
Halka hoose ka akhriso magacyada Ragga toogashada lagu fuliyay.
1- Yaasiin Maxamed Yuusuf
2-Sharmaarke Sahal Oogle
3-Quulle Maxamed Cilmi
4-Khaalid Cabdi Xaydar
5-khadar Maxamed Warsame
6-Cabdikariim Maxamed Mahdi.
Xafiiska Wararka Halqaran.com
Halqarannews@gmail.com
