Muqdisho (Halqaran.com) – Wakiilka Gaarka ah ee Midowga Afrika u qaabilsan Soomaaliya ahna Madaxa AMISOM Amb Francisco Madeira ayaa warbixin ka siiyay Golaha Amaanka ee Qaramada Midoobay xaaladihii ugu dambeeyay ee Soomaaliya .
AMISOM ayaa sheegtay inay diyaar u tahay in si ballaaran ay uga qeyb qaato doorashada Ammaankeed, isagoo xusay in ay mar hore bilaabeen qorshaha taageerada Ammaanka.
Amb Francisco Madeira ayaa xusay in Midowga Afrika oo rabitaankiisa ah inuu arko ka qeybgal buuxa haweenka ee doorashooyinka soo socda, isagoo xusay in lagu guuleysto qoondada 30 boqolkiiba haweenka.
Wakiilka gaarka ahee Midowga Afrika u qaabilsan Soomaaliya ahna Madaxa AMISOM ayaa tilmaamay in AMISOM ay gudaneyso waajibaadkeeda ah inay taageerto DF Soomaaliya si loo diyaariyo loona qabto doorashooyinka.
Taageerada dhinacyada badan leh waxaa ka mid ah howlgalada wadajirka ah, qorsheynta amniga, tababarka amniga doorashada ee booliska Soomaaliyeed ee ku sugan maagaalooyinka doorashada lagu qabanaayo.
Xafiiska Wararka Halqaran.com
Halqarannews@gmail.com
