Cadaado (Halqaran.com) – Ciidamada booliska degmada Cadaado oo howlgal ballaaran sameeyay ayaa soo qabtay gaari nooca laan-garuusalka ah oo siday waxyaabaha maanka dooriya, waxayna ka koobnaayeen 124 dhalo oo Khamri ah.
Taliyaha ciidanka Booliska ee Cadaado, Cali Maxamed Xasan (Cali dheere) ayaa sheegay inay hayeen xogta garigaan oo maalmahaanba ay kuraad jogeen, ugu dambeena ay gacanta ku soo dhigeen garigan iyo darawalkiisa.
“Xogta gaarigaan waan heynay, waana ku raad joognay maalamahaan waxaana ciidanka booliska ka go’an inaan si adag ula dagaalanno waxyaabaha maanka dooriya oo mararka qaar ay ka dhashaan fal dambiyeed‘‘, ayuu yiri Talliye Cali Dheere.
Guddoomiya degmada Cadaado, Cabdullaahi Cabdirraxmaan (Tootole) ayaa uga mahadceliyay ciidamada sida ay waxbadan uga bedeleen xaalada degmada, isagoona ku amaanay in guullo isdaba-joog ah ay gaarayeen ciidanka.
Xafiiska Wararka Halqaran.com
Halqarannews@gmail.com
