Muqdisho (Halqaran.com) – Waxaa Khamiistii maanta Magaalada Muqdisho lagu soo gebagabeeyay Shirkii Beesha Muddulood ee 3-dii bishan ka furmay Caasimadda Muqdisho.
Shirkan oo hal ku dhig looga dhigay ‘Shirka Wadatashiga iyo Iscafinta Beelweynta Muddulood’ ayaa waxaa Magaalada Muqdisho kaga qaybgalay shan kun oo qof.
Qodobbada shirka laga soo saaray oo saddex qodob ka koobnaa ayaa diiradda lagu saaray arrimaha bulshada, ammaanka iyo siyaasadda.
Sidoo kale, marti sharafta lagu casuumay shirka ee khudbadaha ka jeediyay ayaa waxaa ka mid ahaa Madaxweynayaasha Dowlad Goboleedyada Hirshabeelle, Galmudug iyo Koofur Galbeed.
Ugu dambeyn, war murtiyeedka laga soo saaray shirka ayaa waxaa ka akhriyay Avv. Cumar Dhagey, iyadoo hareerihiisa taagan yihiin Madaxweynayaashi hore, Duubabka Dhaqanka iyo siyaasiyiinta ku matala DF Soomaaliya.
Xafiiska Wararka Halqaran.com
Halqarannews@gmail.com
