Muqdisho (Halqaran.com) – Guddoomiyaha Golaha Shacabka ee Baarlamaanka Soomaaliya, Mudane Maxamed Mursal Sheekh Cabdiraxmaan ayaa sheegay in Golaha Shacabka ay ka go’an tahay in uu hirgalo maqaam gaar ah oo uu yeesho Gobolkan Banaadir.
Mursal ayaa xusay, in aysan jirin dad ka horyimid in Muqdisho ay hesho matalaad rasmi ah, hayeeshee hadallada qaar si kala duwan loo fasiray, waxaana uu sheegay in ay muhiim tahay in Gobolka Banaadir si sharci ah uu matalaad ku helo.
“Qof walba oo muwaadin Soomaaliyeed ah xaq ayuu u leeyahay in uu ka hadlo arrinta Gobolka Banaadir, maadaama uu nasiib u helay inay noqoto Caasimadda Ummadda Soomaaliya, taasina waa waajib na wada saaran ayuu yiri” Guddoomiye Mursal.
Guddoomiyaha golaha shacabka ee BF Soomaaliya ayaa waxaa uu sheegay in ilaa laga helayo maqaam uu yeesho Gobolka Banaadir aan laga heri doonin addka diidana la iska hor leexin doono.
Xafiiska Wararka Halqaran.com
Halqarannews@gmail.com
