Muqdisho(Halqaran.com) –Wasiir ku xigeenka wasaarada warfaafinta Xukuumadda federaalka Soomaaliya Cabdiraxmaan Sheekh Yuusuf Al Cadaalla ayaa waxba kama jiraan ku tilmaamay “daayacad lasoo abaabulay oo laga faafiyey ra’iisul wasaare Maxamed Xuseen Rooble”.
Wasiir Al-Cadaala, oo warbaahinta kula hadlay magaalada Muqdisho, ayaa xusay in ay hayaan caddeymo ku filan oo ah cidda soo abaabushay dacaayadahaas”.
Dhinacyo uusan magacaabin ayuu ku eedeeyay in ay is-hortaageen shaacinta natiijada baaritaanka guddiga xaqiiqo raadinta ee eedeynta loo jeediyey wasiirka koowaad ee dalka Rooble.
“Waxaa lala socodsiinayaa cid kasta oo caadeysatay ku noq-noqoshada falalka ka baxsan sharciga oo dooneysa inay dano qaas ah ugu adeegto xafiisyada ay joogto, inay la kulmi doonto tallaabo anshaxeed iyo mid ciqaabeed oo ka jawaabeysa falalka ay ku kaceen,”
Sido kale waxa uu yiri Al-cadaala“Raiisul wasaare Rooble Doorasho ayuu ka shaqaynayaa taas ayaa ah sababta loo soo abaabulay dacaayadaha ka dhanka ah, waxaana haynaa caddaymo ku filan abaabulkaas oo aan xilligeeda soo bandhigi karno” ayuu yiri Wasiir ku xigeenka Wasaaradda Warfaafinta.
Ugu dambayn wasiir Cadaala ayaa sheegay in xukuumadda aysan wax badan ka qusayn arinta guddiga doorashada heer federal ay xilka uga qaadeen gudoomiye Cirro.asaga oo xusay in ay leeyihiin xeerar ay isku maamulaan.
Xafiiska Wararka Halqaran.com
Halqarannews@gmail.com
