Kisamayo (Halqaran.com) – Madaxweyne ku-xigeenka dowlad goboleedka Jubbaland Maxamuud Sayid Aadan ayaa ka hadlay Ciidamo dhawaan sheegay in ay ka goosteen maamulka Jubbaland ayna ku biireen dowladda dhexe ee Soomaaliya.
Mr. Maxamuud Sayid Aadan ayaa xaqiijiyay jiritaanka cidammada baxsaday, balse sheegay inaysan ahayn wax weyn.
210 askari oo ka tirsanaa ciidammada uu fadhigoodu yahay magaalada Baledxaawo ee gobolka Gedo, isla markaana hoostagta maamulka Jubbaland, ayaa la sheegay inay u goosteen dhinaca dowladda Federaalka ee Soomaaliya.
“Horta Baledxaawo, Luuq iyo Doolow waxaa jooga hal ciidan, oo ah ciidanka Soomaaliyeed, oo ammaanka ilaaliyo, oo waajibaadkiisu uu yahay la dagaallanka Al-Shabaab. Waxaa jira ciidan dhallinyaro ah, oo ka tirsanaa ciidankii Beledxawo oo aaday magaalada Luuq, iyaguna waxay u tageen ciidankoodii kale oo jooga Luuq, wax dhib ah oo ka taaganna ma jiro, mar walbana way dhacdaa in ciidan meel lagu ogaa ay si amar la’aan ah ama sabab la xiriirta khilaaf dhex mara iyaga iyo madaxdooda uga tagaan xarumahoodii, marka ma aha wax weyn ama sida ay idaacaduhu u dhigayaan, meel ay ka baxsadeen iyo cid ay u baxsadeen midna ma jirto”, ayuu yiri madaxweyne ku xigeenka Jubbaland oo la hadlay laanta Af Soomaaliga ee BBC-da.
Si kastaba, xiriirka dowladda Federaalka iyo maamulka Jubbaland ayaa aad u sii xumaanayay bilihii ugu dambeeyay, waxaana uu cirka isku sii shareeray markii doorasho natiijadeeda lagu murmay dib loogu soo doortay Axmed Maxamed Islaam (Axmed Madoobe).
→DAAWO MUUQAALLO KALE ,Sii Akhri Wararka Kale ee Maanta:⇓
- DHAGEYSO WARBIXIN XIISO LEH: Guulaha Siyaasadeed ee Haweenka Soomaaliyeed ee dalka Mareykanka
- DAAWO SAWIRRO: Sidee ugu suurta-gashay ITOOBIYA inay hesho xilka Xoghayaha fulinta ee IGAD?
- XOG DAAWO VIDEO: Culimada Puntland, ‘‘Waxay aheyd in Meydka la aaso inta aan Xilka laga qaadin Dhoobo Daareed‘‘!
- UPDATE: M/weynihii hore Somaliya Xasan Sheekh oo dowladda hadda jirta uga digay waqti kororsi inay sameyso!
- WHO oo ka hadashay fatahaadaha Dalka Ka dhacay
Xafiiska Wararka Halqaran.com
Halqarannews@gmail.com
