Muqdisho (Halqaran.com) – Ciidamada Booliska ayaa Xabsiga dhigay Wariye Axmed Nuur Maxamed oo ahaay Wariyihii gaarka ahaay ee Allaha u naxariistee Duqii Muqdisho Cabdiraxmaan Cumar Cismaan Yariisow.
Axmed Nuur ayaa la sheegay in lagu xiray Xarunta dambi barista Ciidanka Booliska Somaliyed ee C.I.D, lamana oga sababta rasmiga ah ee ka dambeysa xariga lagula kacay.
Wariye Axmed Nuur Maxamed ayaa amarka lagu xiray waxaa bixiyay Taliyaha Ciidamada Booliska Soomaaliyeed, sida ay xaqiijiyeen ilo wareedyo la hadlay mareegta Halqaran.com
Wariyaha la xiray ayaa la soo shaqeeyay qaar ka mid ah Ra’iisul Wasaarayaashii dalka soo maray oo u qaabilsanaay dhanka warfaafinta Xafiiska.
Axmed Nuur oo ah shakhsi dadaal badan oo dhalinyaro ah ayaanan la ogeyn waxa loo xiray iyo sababta keentay tuhunka xilligaan soo galay.
Saraakiisha Booliska qaarkood oo aan la xiriirnay ayaa ka gaabsaday inay faah faahiyaan sababta loo xiray Wariye Axmed Nuur Maxamed.
Xafiiska Wararka Halqaran.com
Halqarannews@gmail.com
