Muqdisho (Halqaran.com) – Waxaa xalay magaalada Muqdisho ku geeriyooday Allaha u naxariistee Xildhibaan ka tirsanaay Golaha deegaanka Degmadaasi Warsheekh, kadib markii dhaawac uu horay u soo gaaray.
Xildhibaanka ayaa waxaa horay u dhaawacay Gudoomiyaha Degmadaasi Warsheekh, xilli la baraayay Isticmaalka Bistoolada.
Dhaawaca loo gaystay Xildhibaanka ayaa dhacay 19-kii Bishii September, xilligaasi oo uu ku soo dhaawacmay Magaalada Warsheekh.
Allaha u naxariistee Xildhibaan Xasan Cali Xasan ayaa muddo laba bilood ah waxa uu yaalay isaga oo dhaawac ah Isbitaalka Madiina halkaasi oo ugu dambeyn xalay ku geeriyooday.
Geerida Xildhibaanka ayaa waxaa xaqiijiyay Maamulka Degmadaasi Warsheekh oo siyaabo kala gedisan ula hadlay Warbaahinta gudaha.
Khamiista Maanta ayaa lagu wadaa in Magaalada Muqdisho lagu aaso Xildhibaanka dhintay Allaha u naxariistee.
Xafiiska Wararka Halqaran.com
Halqarannews@gmail.com
