Muqdisho (Halqaran.com) – Xildhibaan Daahir Amiin Jeesow oo kamid ah Xildhibaanadda baarlamaanka Federaalka Soomaaliya ayaa ka hadlay amarka kasoo baxay Al-shabaab ee ku aadan in 45-maalmood ay isku soo diiwan galiyaan Ergadii doorashadda Xildhibaanadda.
Xildhibaan Jeesow oo la hadlayay warbaahinta Magaaladda muqdisho ayaa Odayaasha ugu baaqay in aysan u tagin Al-shabaab,islamarkaana Alle dilo uu dhinto.
“Shabaab awalba way dilayeen Odayaasha Dhaqanka ma aynaan dhaafin,ergadii ayay laayeen, waxay laayeen odayaal dhaqan oo badan, dad ayay xaqdaro ku laayeen, Odayaasha Dhaqankana dadkaas uun bay ka mid yihiin,shacabka maalin walba ayay gumaadayaan, oo tii hadda Kismaayo ay ugu dambeysay,waxa keliya ee oran lahaa waxaa weeye in nimankaas hal adeeg iyo iska caabin ay kala hortaggaan, Ilaahaa wax dilee wax aad dili kartaan malaha inay yiraahdaan”, ayuu yiri Xildhibaan Jeesow.
Ururka Al-Shabaab ayaa shalay waxa ay soo saareen qoraal ay ku sheegeen in Ergadii soo xushay Xildhibaanada Baarlamaanka Somaliya looga baahan yahay in ay iska soo diiwaangeliyan xarumaha shabaab, si ay uga badbaadaan dilalka.
Xafiiska Halqaran.com, Muqdisho
Halqarannews@gmail.com
