Hobyo (Halqaran.com) – wararka ayaa waxa ay sheegayaan Qaar ka mid ah kaluumeysatada Soomaaliyeed ee ka jilaabta xeebaha bariga Mudug in ay cabasho ka muujiyeen Qatarta maraakiibta shisheeye oo si sharci dara ah uga kalluumeysta biyaha badda dalka.
Aamiin saciid Aadan oo ka mid ah kalumeystada ku dhaqan xeebaha dagmada hobyo,ayaa Warbaahinta Qaranka u sheegay in maalmihii u danbeeyay ay soo baxeen qeylo dhaan ku aadan maraakiib shisheeye oo sida sharci darada ah uga kaluumeysanaya xeebaha bariga Gobalka Mudug.
Sidaas oo kale Qaar ka mid ah kalluumeysatada Soomaalida ayaa fikrad ahaan waxa ay qabaan in haddii aan si degdeg ah wax looga qaban ama loogu jawaabin kalluumeysiga sharci darada ah ee maraakibta shisheeye ay dhallin karaan ,shaqo la’aan ku timaada kalluumeysatada,hoos u dhac dhinaca la xiriira kheyraadka badda iyo bulshada kalluumeysatada ah in ay ka barakacaan deegaanada xeebaha ah ee dalka sabab too ah Majirto meel ay ka raad sadaan qutul daruuriga oo markii hore ku tiirsaneyd kulluumeysiga.
Kalluumeysatada gobolka Mudug ayaa sheegay in kalluumeysiga sharci darada ah ee ka jira badda Soomaaliya ay ay saameeyn ku yeesheen nolasha kumanaan qoys oo ku tiirsanaa shaqadooduna aheyd .
Xafiiska Wararka Halqaran.com
Halqarannews@gmail.com
