WAR CUSUB: Madaxweyne Farmaajo oo Caalamka u caddeeyay mowqifkiisa ku aadan Kiiska Badda‚ ‘‘Kenya ha isku tashato‘‘!

New York (Halqaran.com) – Khudbaddii Madaxweynaha JF Soomaaliya, Maxamed Cabdullaahi Farmaajo ee Fadhiga Guud ee Golaha loo dhanyahay ee Qaramada Midoobay ayaa jawi deggan ku soo gabagabowday, wuxuunamMadaxweynaha uu diiradda saaray arrimo badan oo Soomaaliya ku saabsan.

Qodobbada Madaxweyne Farmaajo uu Khudbadiisa ku soo qaatay ayaa waxaa ka mid ah arrimaha amniga, dhaqaalaha, bulshada, xiriirka dalalka dariska ah, hufnaanta maaliyadda, kiiska badda iyo dowrka Soomaaliya ee Geeska.

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa go‘an geesinimo leh ka qaatay Kiiska Badda.

XOG XASAASI: Madaxweynaha Puntland: ”Hawada Somaliya maahan Dukaan qof leeyahay. Caqliga ha u taliyo dadka xayiray Kismaayo”!

Farmaajo ayaa xusay in Soomaaliya ay ku kalsoontahay go’aanka Maxkamadda Caalamiga ah ee ICJ, islamarkaana marnaba Gorgortan aysan ka geli doonin arrimaha badda.

“Gorgortan kama geleyno Baddeena oo go’aanka Maxkamada caalamiga ah ee ICJ ayaan ku kalsoonnahay”. ayuuna yiri Madaxweynaha JF Soomaaliya oo Khudbad xiiso leh oo dhinacyo badan taabaneysa ka jeediyay fadhiga qaramada midoobay ee New York.

Xafiiska Halqaran.com, Muqdisho
Halqarannews@gmail.com