Dhuusamareeb (Halqaran.com) – Warar goor-dhow caawa naga soo gaaray Magaalada Dhuusamareeb ee Caasimada Galmudug ayaa waxa ay sheegayaan in Ciidamo ka tirsan dowladda ay rasaas ku fureen Guri uu ku sugnaa Madaxa Xukuumadda Galmudug.
Ciidamo ilaallo u ahaa madaxa Xukuumadda Galmudug oo ku sugnaa Xarunta INJI ayaa rasaas lagu furay, mana jirto wax Khasaare ah oo ka dhashay sida ay mareegta Halqaran.com u xaqiijiyeen dadka deegaanka.
Sidoo kale, guriga rasaasta lagu furay ayaa waxaa ku sugnaa Guddiga doorashooyinka Galmudug ee uu Magacaabay madaxa Xukuumadda Galmudug.
Waxaa caawa aad u kacsan xaaladda Magaalada Dhuusamareeb, waxaana halkaasi buux dhaafiyay Ciidamo ka tirsan dowladda iyo Kuwa Ururka Ahlu-sunna.
Xafiiska Wararka Halqaran.com
Halqarannews@gmail.com
