Ankara(Halqaran.com) –Wasaaradda Difaaca Turkiga ayaa maanta oo Arbaca ah sheegtay in diyaaradaha dagaalka Turkiga ay duqeeyeen gooba ay ku sugnayeen maleeshiyaadka Kurdiyiinta, oo ay ku jiraan xeryo tababar iyo goobo lagu keeydiyo Rasaasta, oo ku yaalla Ciraaq iyo Waqooyiga Suuriya.
Dhammaan Diyaaradihii howlgalka ka qeyb qaatay ayaa dib ugu laabtay goobihii ay ka soo kaceen, sida lagu sheegay war ka soo baxay wasaaradda Gaashaandhigga, inkastoo wasaaraddu aanay ka war bixinin khasaaraha ka dhashay howlgalka.
War-saxaafadeedka wasaaradda ayaa lagu sheegay in howlgalkan dhanka circa ah lagu beegsaday maleeshiyaadka Kurdiyiinta oo saldhigyo ku leh dalka Ciraaq iyo Suuriya, kuwaas oo uu Turkigu u arko kooxo Argagixiso ah.
Dhankeeda, waaxda la dagaalanka Argagaxisada Ciraaq ayaa sheegay in Diyaaradaha Dagaalka Turkiga ay duqeeyeen dhowr ay ka geeysteen dhawr goobood oo ay ku sugnaayeen Maleeshiyada Kurdiyiinta ee PKK, iyaga oo tilmaamay in Weeraradaasi ay geysteen dhimasho iyo dhaawac soo gaaray Maleeshidaadka Kurdiyiinta.
Xafiiska Wararka Halqaran.com
Halqarannews@gmail.com
