Muqdisho (Halqaran.com)- waa markii ugu horeysay Taliska ugu sareeya ee Ciidamada Midowga Afrika ee AMISOM ay ka hadlaan dilkii loo geystay allaha u naxariistee Almaas Elman kas oo ka dhacay xerada Xalane 20/11/2019 xili ay howlo shaqo u joogtay gudaha xarunta Xalane.
War saxaafaded ay soo saareen taliska AMISOM ayaa waxa ay ku sheegeen in Dowladda Federaalka Soomaaliya iyo Ciidanka amaanka ay kala shaqeyn doonaan baaritaan buuxa oo lagu sameeyo dilkii nasiib darrada ahaa ee ee loo geestay marxuumad, Elmaas Elman Ali, taas oo lagu dhex toogtay xarunta Xalane ee Magaalada Muqdisho.
sidoo kale waxaa arintaan horey ugu hadalay Taliska Ciidanka Booliska Soomaaliyeed oo ayagana wada baaritaanno xooggan oo ku saabsan dilka Almaas Elman oo ahayd Diplomaasiyad iyo qof u dhaq-dhaqaaqda bulshada.
Halkaan Ka Akhriso Qoraalka AMISOM
Xafiiska Wararka Halqaran.com
Halqrannews@gmail.com
