Baydhabo (Halqaran.com) – Taliyaha Ciidanka Booliska Gobolka Baay Gaashaanle Sare Amiin Maxamed Cusmaan iyo Taliyaha Saldhiga Magaalada Baydhabo Muqtaar Ibraahim Gaduud ayaa soo saaray awaawmiir la xiriira Amniga ee Maalmaha Ciida.
Taliyaha Saldhiga Booliska Magaalada Baydhabo Muqtaar Ibraahim Gaduudow ayaa Waalidiinta Magaalada Baydhabo ku amray in Carruurta aysan u soo iibin Maalmaha Ciida Agabka Carruurta ku ciyaaraan ee lagu isticmaalo baaruuda.
Wuxuu sidoo kale sheegay, in inta lagu guda jiro Maalmaha ciida aysan wax gaadiid ah ka shaqeyn karin Magaalada Baydhabo, isla markaana dadka aan fulin amaradan ay tallaabo ka qaadi doonaan.
Waxaa maalinta berri oo Isniin ah la filayaa in siweyn looga ciido guud ahaan dalka Soomaaliya iyo Caalamka intiisa kale, waxaana Maanta siwen loo dareemayaa u diyaar garowga Ciidul Fidriga.
Xafiiska Wararka Halqaran.com
Halqarannews@gmail.com
