Laascaanood(Halqaran.com) – Taliyaha Booliska Gobolka Sool G/dhexe Axmee Cabdullaahi Cabdi oo warbaahinta kula hadlay Laascaanood ayaa sheegay Dad ka reer Somaliland aysan Soomaali ahayn isla markaasna dadka ka soo jeeda koofurta Soomaaliya iyo bartamaha ay ula mid yihiin Itoobiyaanka.
sidaan ayuu yiri taliyaha ” Dadka ka soo jeeda koonfurta Soomaaliya waa ajinabi waxayna noola mid yihiin Itoobiyaanka oo kale waana ka saaraynaa Laascaanood, annaga Soomaali ma nihin waxba nagama gelin;waxaanu nahay Somaliland”.
Hadalka taliyaha ayaa yimid kadib markii ciidamo ka tirsan Booliska Somaliland ay xalay howlgal ay ka sameeyeen magaalada Laascaanood, iyagoo kusoo qabqabtay dad shacab ah oo badan, iyadoo dadkaasi kasoo jeedaan gobolada koofureed ee dalka Soomaaliya qaarkood ayaana ahaa ganacsato.
Sido Kale Maamulka Soomali-land waxa ay sheegtaa iney tahay Dowlad ka madax banaan Soomaaliya inteeda kale islamarkaana ictiraaf raadineysay muddo 30 sano ah islamarkaana aanu jirin illaa iyo xiligaa dowladaha caalamka kuwa u aqoonsaday dowlad gaar ah.
Xafiiska Wararka Halqaran.com
Halqarannews@gmail.com
