Xudur(Halqaran.com) –Kulankaan oo uu soo abaabuley Maamulka Gobolka Bakool oo ay qeyb ka ahaayeen saraakiisha Sar Sare ee Guutada 9-aad ciidanka Xoogga dalka Gobolka Bakool iyo odayaasha dhaqanka Degmooyinka Xudur, Tiyeeglow iyo Rabdhuure ayaa waxaa looga hadlay sidii howgallada ciidamada ay qeyb uga noqon lahaayeen shacabka is abaabuley oo odayaasha iyo waxgaradka ay u hogaamin lahaayaan.
Shacabka Gobolka Bakool Waa bulshadii ugu horeysey ee ka dhiidhisay dhibaaatada kooxda Arxanlaawayaasha ah ee Al Shabaab, deegeenada hoos yimaada Magaaalada Xudur ayaa waxa ay wajahayaan Xaalad nololeed oo aad u adag.
Ugu dambeyn odayaasha dhaqanka kulanka oo ka hadlay goobta ayaa waxa ay wacad ku mareen inay safka hore ee dagaalka lagalayaan ciidamada XFS , ayna shacabka ku dhiiri gelinayaan sidii wadajir guud ahaan dalka looga cirib tiri lahaa kooxda Al-Shabaab oo gacanta ku haayo deegaano farabadan oo ka tirsan bartamaha iyo koonfurta soomaliya.
Xafiiska Wararka Halqaran.com
Halqarannews@gmail.com
