Riyad (Halqaran.com) – Dowladda Sacuudi Carabiya ayaa shaaca ka qaaday in xayiraadii ay ka qaaday xoolaha kala duwan ee Soomaalida ee loo iib geeyo waddankaasi.
Wasaaradda deegaanka ee Sacuudiga ayaa hadalkaan shaacisay, kadib markii boggeeda Twiterka ay soo dhigtay qoraal kooban oo arrintaan looga hadlay.
Warkan oo lasoo dhigay barta Twitterka Wasaaradda Deegaanka ee dalka Sucuudiga ayaa waxa uu u qornaa sidan: “Waxaa xayiraadda laga qaaday xoolihii Soomaaliya laga soo iibsan jiray.”
Tani ayaa waxa ay fursad muhiim u tahay ganacsatada Soomaalida ee dalkaasi Sacuudiga xoolaha nool u iib geyn jiray, kuwaasi oo hadda bilaabaya inay ka faa’iideystaan fursadaan.
Soomaaliya ayaa waxaa laga dhoofiyaa xoolo nadiif ah oo caafimaadkooda la hubiyay, waxaana arrintaasi dhaqaale fiican uu ka soo galaa Ganacsatada Soomaaliyed.
DF Soomaaliya ayaa lagu wadaa inay faah-faahin ka bixiso tallaabadaan ay dowladda Sacuudiga xayiraada uga qaadey Xoolaha loo dhoofin jiray.
Xafiiska Wararka Halqaran.com
Halqarannews@gmail.com
