Muqdisho (Halqaran.com) – Ra’iisul Wasaaraha Jamhuuriyadda Federaalka Soomaaliya Mudane Maxamed Xuseen Rooble ayaa tababar u soo xiray Gabdho ka tirsan Ciidanka Haramcad ee Booliska Soomaaliyeed.
Munaasabadda oo ka dhacday Dugsiga tababarrada Ciidanka Booliska ee General Kaahiye ee Magaalada Muqdisho ayaa waxaa sidoo kale derajooyin loogu xiray Saraakiil tababar layli sarkaal ku soo qaadatay dalka Masar.
Ra’iisul Wasaare Rooble” Waxaan hambalyeynayaa gabdhaha ka tirsan Ciidanka Haramcad ee Booliska Soomaaliyeed ee tababarka u soo dhammaaday iyo saraakiisha tababarka layli sarkaal ku soo qaatay dalka Masar.
Maxamed Xuseen Rooble ayaa ballan qaaday in Xarunta Barbaarinta Agoonta Booliska Soomaaliyeed lagu kordhiyo dugsi sare isagoo faray Wasaaradda Waxbarashada in howshaas u fuliso sida uga dhaqsiyaha badan.
ugu Dambeyntii Ciidammada Qalabka sida, waa cudud weyn oo fuliya sharciga, sugidda amniga iyo dhowrista nidaamka dowladnimada.
Xafiiska Wararka Halqaran.com
Halqarannews@gmail.com
