Muqdisho(Halqaran.com) Ra’iisul Wasaare Rooble ayaa guddoomiyay Shir ay habka fogaan aragga ay ku yeesheen madaxda Golaha Wadatashiga Qaranka oo diiradda lagu saaray habsami u socodka howlaha doorashooyinka dalka iyo in sida ugu dhaqsiyaha badan loo bilaabo doorasha xildhibaannada Golaha Shacabka ee BFS, iyadoo la tix raacayo jadwalkii doorashooyinka dalka.
Guddoomiyaha Guddiga Maamulka Doorashooyinka Heer Federaal oo shirka qeyb ka ahaa, ayaa Golaha Wadatashiga Qaran la wadaagay warbixin ku saabsan howlaha guddiga ee ku aaddan hab sami u socodka howlaha doorashooyinka.
Dowlad-goboleedyada Jubband, Galmudug iyo Hirshabeelle ayaa laga dalbaday in ay soo dhamaystiraan doorashooyinka Aqalka sare ee Baarlamaanka Soomaaliya
Sido Kale Ilo ku dhow dhow shirka Golaha Wadatashiga Qaran ayaa sheegaya in isku soo hadal qaaday in shir isugu yimaadaan, balse lama go’aamin waqtiga rasmiga ah uu qabsoomi doono shirkaas.
Ugu dambeyn tii Kulankan ayaa ah kii ugu horeeyay ee Golaha Wadatashiga Qaran ay yeeshaan tan iyo markii Madaxweynaha muddo xilleedkiisu dhamaaday ee Maxamed Cabdulaahi Farmaajo iyo Ra’iisul Wasaare Rooble ay isku khilaafeen Kiiska Ikraan Tahliil.
Xafiiska Wararka Halqaran.com
Halqarannews@gmail.com
