Muqdisho(Halqaran.com) –Ra’iisul Wasaaraha Xukuimadda Federaalka Soomaaliya Mudane Maxamed Xuseen Rooble oo ay wehliyaan Xubnaha kale ee Golaha Wadatashiga Qaranka ayaa kulan la yeeshay wakiillada Beesha Caalamka oo ay ka wada hadleen dardargalinta doorashooyinka Dalka.
Sida wararka ay sheegayaan Kullankan ay yeesheen Goloha Wadatshiga Qaranka iyo Beesha Caalamka ayaa ku saabsanaa dardargalinta doorashooyinka dalka iyo Xoojinta Amniga.
Qoraal ka soo baxay xafiiska Ra’iisul Wasaaraha ayaa lagu yiri “Ra’ iisul Wasaare Maxamed Rooble ayaa sheegay in ay ka go’n tahay in sida ugu dhaqsiyaha badan loo soo gebogebeeyo doorashada, iyadoo turxaan bixinta iyo toosinta wixii ka soo laabtay lagala tashanayo dhammaan dhinacyada ay khuseyso sida Midowga Musharixiinta, Bulshada Rayidka ah, Haweenka iyo daneeeyeyaasha kale.”
Ra’iisul Wasaare Maxamed Xuseen Rooble ayaa Beesha Caalamka uga mahadceliyay taageeradooda dowlad-dhiska Soomaaliya, isaga oo balan qaaday in doorashada ay ku qaban doonaan si cadaalad ah.
Xafiiska Wararka Halqaran.com
Halqarannews@gmail.com
