Bardaale(Halqaran.com) –Qaraxa oo ahaa miinada nooca dhula lagu Aaso ayaa waxaa uu ka dhacay Suuq Jaadka lagu iibiyo oo kuyaal degmada Bardaale ee Gobolka Baay, waxaana ka dhashay khasaaro dbimasho iyo dhaawac ah.
Inta la xaqiijiyey waxaa qaraxan ku dhintay ugu yaraan 7 qof, halka ay ku dhaawacmeen 10 kale oo isugu jiro askar iyo dad shacab ah.
Suuqa uu qaraxu ka dhacay ayaa waxaa ku yaalla dukaaman maalmaha jimcaha ay dadka reer miyiga aad uga adeegtaan, iyaga oo ka yimaada degaano ka fog degmada, waxaana sidoo kale qeyb yar oo suuqa ka tirsan oo lagu iibiyaa Jaadka.
Ciidamo ka tirsan kuwa Maamulka Koonfur Galbeed ayaa tegay Suuqa Jaadka degmada Bardaale ee uu qaraxa ka dhacay, iyaga oo halkaasi ka sameeyay howlgal dad badan lagu qabqabtay.
Xoogaga Al-Shabaab ayaa inta badan weeraro khasaare geysta ka fuliya gobollada Baay iyo Bakool ee dhaca koonfurta Soomaaliya.
Maamulka degmada Bardae iyo laamaha Amgiha degmadaas ayaan weli ka hadlin qaraxaas, balse saacadaha soo socda ayaa la filayaa inay ka hadlaan.
Xafiiska Wararka Halqaran.com
Halqarannews@gmail.com
