Muqdisho (Halqaran.com)- Qarax Khasaaro geystay oo ka dhacay Magaalada Muqdisho, kaasi oo jugtiisa laga maqlay Xaafado ka tirsan Magaalada.
Qaraxa oo ahaa miino lagu soo dhejiyay gaari nooca raaxada ah ayaa qarxay xili uu ku dhex jiray Garaash ku yaalla Xaafadda Kaawa Godeey ee Degmada Wadajir ee Gobolka Banaadir
sida Goob jooge ku sugnaa Halka Qaraxa uu ka dhacay ayaa inoo sheegay in qaraxa ay ku geeriyoodeen laba ruux oo mid uu ahaa Askari doonayay inuu Miinada ka furo gaariga, hayeeshee ay ku qaraxday, waxaana ruux kale uu ahaa mid marayay Albaabaka Garaahshka.
Sidoo kale waxaa la sheegayaa in waxyeelo ay soo gaartay dad shacab ah oo ku sugnaa Guri ku dhaganaa Garaashka, waxaana halkaasi gaaray Ciidamo Boolis ah, kuwaasi oo sameeyay baaritaano la xiriira sida ay wax u dhaceen.
Xafiiska Wararka Halqaran.com
Halqrannews@gmail.com
