Muqdisho(Halqaran.com) – Maxkamada Ciidamada Qalabka sida ee Soomaaliya ayaa Maanta waxaa oo xukun kuriday Dable NISA Maxamed Cali Xuseen, kaas oo horaantii Bishii November ee sanadkaan degmada Beled-Xaawo ku dilay Axmed Sharmaake Cabdullaahi & Sakariye Axmed Gaarane oo Shacab ahaa.
Askarigaan ayaa Maxkamadeyntiisa waxaa ay soo martay heer kala duwan, waxaana markii uu dilayay labada dhalinyarada ah ay Kubbad ku ciyaarayeeen Garoon kuyaalla degmada Beled-Xaawo ee Gobolka Gedo.
Xeer ilaalinta Maxkamadda Ciidamada Qalabka Sida oo dhageysatay dad marqaatiyaal ah ayaa caddeeyay in dable Maxamed Cali oo saaran Mooto Bajaaj uu rasaas ku furay Garoonka, ayna ku dhinteen Sakariye Axmed Gaarane iyo Axmed Sharmaake C/llaahi.
Guddoomiyaha Maxkamadda Ciidamada qeybta 27-aad Maxamed Aamiin Cabdulle Aadan ayaa ku dhawaaqay in xukun dil toogasho ah lagu riday Maxamed Cali Xuseen oo dilay labada Marxuum oo daawanayey Ciyaar ka socotay Garoonka uu falku ka dhacay.
Sidaan oo kale, marar badan ayey dhacday in Ciidanka Dowladda ay si bareer ah iyo si kaleba ay rasaas nool nool ugu ridaan Shacabka jooga halka ay ka howlgalaan, iyadoo dhimashada iyo dhaawaca dadka Shacabka uu joogto ka noqdo dalka, Inkastoo laamaha ammaanka DFS ay sheegaan in lasoo qabtay, ama la daba joogo Askarta dadka Shacabka dhibaatada u geysata oo iskugu jirta dilka iyo dhaawaca.
Xafiiska Wararka Halqaran.com
Halqarannews@gmail.com
