Muqdisho (Halqaran.com) – Guddoomiye Ku-xigeenka koowaad ee Golaha Shacabka Marwo Sacdiya Yaasiin Xaaji Samatar, ayaa Jimcihii maanta kulan la qaadatay qaar ka mid Culima’udiinka Soomaaliyeed, kuwaas oo kala hadlay arrimo ku saabsan hadalladii ay ka jeedisay shir ka dhacay magaalada Muqdisho.
Guddoomiye Sacdiya Yaasiin oo Culimada uga mahadcelisay sida ay u soo ajiibeen kulankeedi ayaa waxa ay Bulshada iyo Cumimadda Soomaaliyeed uga jawaabtay Khudabadii ay ka jeedisay daah-furka ol’olihii 16-ka maalmood ee Tacadiyadda ka dhanka ah ee Haweenka & Carruurta, iyada oo xustay hadalladii baraha Bulshada la wareejinaayay iyo mowduuca ay ka hadleysay aan aheyn mid hal meel u wada socda.
Guddoomiye Ku-xigeenka koowaad ee Golaha Shacabka Marwo Sacdiya Yaasiin Xaaji Samatar ayaa Bulshada Soomaaliyeed u sheegtay in aan wada ilaalino Shuruucda dalka iyo in meel loogu soo wada jeesto tacdiyada loo geeysto Haweenka iyo Carruurta yaryarka ah
Ugu dambeyn, Guddoomiye Sacdiya ayaa waxa ay markale adkeeysay in laga wada shaqeeyo midnimada iyo ilaalinta Diinteena Suuban.
Xafiiska Wararka Halqaran.com
Halqarannews@gmail.com
