Muqdisho(Halqaran.com) Alle ha u naxariistee Waxaa maanta magaalada Muqdisho ee Cassimadda Soomaaliya ku geeriyooday Majaajilistihii caanka ahaa ee Cabdi Muriiddi Dheere, oo ku magic dheeraa Ajakis.
Marxuumka ayaa Maal-mihii ugu dambeeyay ku xanuunsanayay Magaalada Muqdisho, waxaana horay loo dhigay isbitaal, kadib markii xaaladdiisa Caafimaad ay aad u liidatay.
Qaar ka mid ah ehellada marxuumka oo la hadlay warbaahinta ayaa xaqiijiyey geerida naxtinta leh ee ku timid Ajakis oo caan ka ahaa guud ahaan Soomaaliya.
AUN Cabdi Muriidi Dheere (Ajakis) ayaa waxaa maalmo ka hor ku soo booday xanuun deg-deg ah, isaga oo xaaladiisa caafimaad lagula tacaalayey isbitaalka uu ku geeriyooday.
Ajakis ayaa ka mid ahaa majaajiliistayaasha ugu caansan gayiga Soomaaliyeed, waxaana uu caan ku ahaa Ruwaayadaha iyo Turjumidda Aflaamta.
Xafiiska Wararka Halqaran.com
Halqarannews@gmail.com
