Muqdisho (Halqaran.com)- Madaxweynaha JFS mudane Maxamed Cabdullaahi Farmaajo ayaa Maanta u ambabaxay dalka Cumaan, si uu uga qeyb galo tacsida qaran ee u taala shacabka iyo saldanada Cumaan.
Madaxweyne Farmaajo iyo wafdigiisa ayaa waxaa Garoonka diyaaradaha Aadan Cadde ee Magaalada Muqdisho kasii sagootiyay Mas’uuliyiin ka tirsan dowladda Federaalka iyo xubno kale.
Marka uu tago madaxweynaha Soomaaliya dalka Cumaan ayaa waxaa uu kulamo la qaadan doonaa madaxda dalkaasi iyo madaxda kale ee ka qeyb galaya tacsida qaran ee u taalla shacabka iyo Saldanadda Cumaan.
Allaha u naxariistee maalmo kahor waxaa geeriyooday Suldaankii Cummaan oo lagu magacaabi jiray Suldaan Qaabuus Bil Saciid, waxaana lagu wadaa in dalkaas ay gaaraan Madax kale oo ka qeyb galeysa tacsida qaran ee Suldaanka.
Xafiiska Wararka Halqaran.com
Halqrannews@gmail.com
