Muqdisho (Halqaran.com) – Guddiga hirgalinta doorashada labada gole ee gobollada Woqooyi ee Somaliland ayaaa maanta soo geba gabeeyay doorashada xildhibaanada golaha shacabka, waxaana uu noqonayaa guddigii ugu horreeyay ee doorashada gebagabeeyay iyadoo aan la gaarin waqtigii loo qabtay oo ah 25 bishaan.
Guddiga SEIT Somaliland ayaa qabtay Doorashada 43 kursi, waxaa saamiga la siiyay oo dhanaa 46 Xildhibaan maanta ayaa Muqdisho lagu doortay 3da kursi ee harsanaa taasi oo ka dhigan in Gobollada Waqooyi-Somalilland ay fuliyeen in Doorashada lagu soo idleeyo 15ka Janaayo ilaa 25ka Febaraayo 2022.
1: Hop#243 waxa ku guuleystay Samsam Muxumed Cumar kadib markii ay tanaasushay Musharax Xildhibaan, Marwo Dallays Cali ibraahim, waxaana cod gacan taag ah oo loogu codeeyay xildhibaan Samsam oo heshay 98 Cod waxaana ka aamusay laba qof.
2: HOP#206 waxaa kusoo baxay xildhibaan Maxamed Ibraahim Cabdi, kaas 100 cod ku guulaystay kadib markii tartanka kursiga ay ka tanaasushay musharrax Maryama Ibraahim Cabdi.
3:Cabdiraxmaan Iidaan Yoonis ayaa ku guuleystay kursiga tirsigiisu yahay Hop#259 ee golaha shacabka BJFS oo doorashadiisu maanta ka qabsoontay magaalada Muqdisho.
Tirada guud ee Xildhibaanada labada gole ee Baarlamaanka ku matalaya Somaliland oo ah 57 xubnood ayaa lagu doortay caasimadda dalka ee Muqdisho.
Xafiiska Wararka Halqaran.com
Halarannews@gmail.com
