Muqdisho (Halqaran.com) – Taliyaha Ciidanka dhulka ee xoogga dalka Jeneraal Maxamed Tahliil Biixi ayaa maanta gaaray magaalada Baraawe ee gobolka Shabeellada Hoose, waxaana garoonka diyaaradaha Baraawe ku soo dhaweeyay mas’uuliyiin uu kamid yahay guddoomiye ku-xigeenka amniga gobolka Shabeellada Hoose iyo saraakiisha ciidanka xoogga ee ku sugan Baraawe.
Dhanka kale Taliyaha ayaa halkaasi u tagay Indhaindheeynta Doorshada golaha shacabka oo dhawaan ka dhici doonta Magaalada Baraawe Sidda ay shegeen Guddiga Doorashada Dowlad Goboleedka Koonfur Galbeed.
Sido Kale Taliyaha ayaa inta uu joogo Baraawe waxaa uu kulamo la qaadan doono Saraakiisha Ciidamada iyo masuuliyiin Degmada Baraawe, Waxaana halkaasi uga sii horeeyay Masuuliyiin ka tirsan Maamulka Koofur Galbeed iyo Gudoomiyaha Guddiga Doorashooyinka Koonfur Galbeed.
Baraawe ayaa ah Magaalada labaad ee loo asteeyay doorashada koonfur Galbeed waxaana dhawaan ka dhicidoonto doorashada kuraas kamid ah Baarlamaanka Federaalka Soomaaliya.
Xafiiska Wararka Halqaran.com
Halarannews@gmail.com
