Cumaan (Halqaran.com) – Telefishinka dowladda Cumaan ayaa Sabtidii saaka si rasmi ah ugu dhawaaqay geerida hoggaamiyihii dalkaas, Suldaan Qaabuus Bin Saciid oo 79 jir ahaa mudda dheerna la daalaa dhacayay xanuunka kaankaraha.
Qaabuus ayaa bartamihii 1979-kii afgambi aan dhiig ku daadanin xilka kagala wareegay aabihii Saciid Bin Tiimoor.
Waxaa baryihii dambe isa soo tarayay wararka sheegayay in xaaladda caafimaad ee suldaanka ay sii itaal darreeyneyso, kaddib markii uu ka soo laabtay safar caafimaad oo uu ku tagay dalka Biljimka.
Suldaanka ayaa xanuunkan la il darnaa tan iyo sanadkii 2014-kii wixii xilligaa ka dambeeyayna waxaa aad u yaraaday gole joogsigiisa ay ka soo muuqashada fagaarayaasha waaweyn ee dalka Cumaan.
Maadaama suldaanku aanu waligii guursanin wax oori ah oo aanu lahayn waraso xilkaasi ka dhaxasha ayaa qoyska uu ka dhashay waxa ay hoggaaminta dalka ku wareejiyeen ninka lagu magacaabo Haytham Bin Daariq Aala Saciid.
Suldaanka waxa uu 18-Nofembar 1940-kii ku dhashay deegaanka Dafaa,r waxa uuna ahaa suldaankii siddeedaad ee ka soo jeeda qoyska Aala Boosaciid oo uu bud dhige u ahaa Imaam Axmed Bin Saciid 1741-kii.
Xafiiska Wararka Halqaran.com
Halqarannews@gmail.com
