Muqdisho (Halqaran.com)- Guddoomiyaha Gobolka Banaadir ahna Duqa Magaalada Muqdisho Cumar Maxamuud Maxamed cumar Finish asaga oo ay wehliyaan Guddoomiye ku-xigeenadiisa ayaa xalay waxa ay kormeer ku tageen 17-degmo ee Gobolka Banaadir, iyagoo waday gurmadka loo sameynaayo dadka dantayar ee saameeyay roobabkii ka da’ay Caasimadda.
Duqa Muqdisho ayaa ugu horeyn booqday dhismihii hore ee wasaarada arimaha gudaha ee degmada Boondheere oo ay kunoolaayeen dad barakacayaal ah, oo uu kusoo dumay dhismaha ay daganaayeen iyadoo laga soo saaray laba ruux oo dhismahaasi ku hoos jiray.
Sido kale Guddoomiyaha Gobolka Banaadir iyo guddoomiye ku-xigeenadiisa ayaa mid mid u booqday guryaha ay kunool yihiin qoysaska danta yar ee uu biyaha roobka gudaha u galeen waxey sidoo kale masuuliyiinta kormeer lug ah kumareen wadooyinka ay biyaha dhigeen roobabkii da’ay.
Xafiiska Wararka Halqaran.com
Halqrannews@gmail.com
