Muqdisho (Halqaran.com) – Guddiga Doorashooyinka Heer Federaal ayaa sheegay in dib loogala wareegay Barahooda Bulshada sida Facebooka, Twitterka & Website-ka, ayaga oo sheegay wixii la soo dhigo ay yihiin waxba kama jiraan inta ay dib ugala wareegayaan.
Warsaxaafaded ay guddiga FEIT ay soo saareen ayaa lagu sheegay in aysan mas’uul ka aheyn qoraalada hadda kadib la soo geliyo barahaas oo ka maqan gacantooda sida ay sheegeen.
FEIT ayaa si cad u sheegtay in arintaan ay tahay mid la rabo in lagu carqaladeeyo habsami u socodka doorashooyinka dalka oo markaan gabagaba ah.
Guddiga doorashooyinka heer Federaal ayaa Sheegay in xogaha doorashada ay ku soo gudbin doonaan shirar Jaraa’id oo lagula hadlayo warbaahinta iyo wareysiyo, mana shaacin Guddiga cidda la wareegtay barihii Bulshada ee Guddiga.
Xafiiska Wararka Halqaran.com
Halarannews@gmail.com
