Hargeysa(Halqaran.com) –Guddoomiyaha Golaha Wakiillada Somaliland Cabdirisaaq Khaliif Axmed, ayaa sheegay in Golaha Wakiillada ay ansixiyeen xubnihii ka harsanaa Komishanka doorashooyinka Somaliland, si aan dib u dhac dambe oo ku yimaada arrimaah doorashooyinka aan Golahooda wax looga saarin.
Guddoomiye Cabdirisaaq Khaliif ayaa ku baaqay in xubnahan Komishanka doorashooyinka ay si wada jir ah hawshooda u dhamaystiraan, si ay u gudda-galaan hawshii u taalay Komishanka doorashooyinka.
Guddoomiyaha Golaha Wakiillada ayaa waxa uu sheegay in looga baahan yahay xubnaha komishanka doorashooyinku in ay caddaalad iyo si waafaqsan xeerarka iyo Dastuurka u gutaan shaqada culus ee horyaala
Golaha ayaa cod u qaaday, guddoonka Golaha ayaana shaaciyay in saddexdaan xubnood la ansixiyay, isla markaasna waxaa ay heleen mid 70 cod, waxaana ay ka mid noqon doonaan Guddiga Doorashada.
Khilaaf xoogan ayaa ka taagan qabsoomida doorashada Madaxtooyada Somaliland, waxaana dhowr jeer deegaanada Maamulkaas ka dhacay bannaanbaxyo rabshado watay oo ay dhigeen dadweyne farabadan oo ay hoggaaminayeen Madaxda mucaaradka Somaliland ee kasoo hoejeeda Xukuumadda Madaxweyne Muuse Biixi
Xafiiska Wararka Halqaran.com
Halqarannews@gmail.com
