Buq Aqable(Halqaran.com) –Wararka ka imaanaya Gobolka Hiiraan ayaa sheegaya in Ciidamada xogga dalka oo kaashanaayo Ciidamada dib u xureeynta deegaanka ay si rasmi ah ula wareegeen Degmada Buq Aqable oo ka tirsan Gobolka Hiiraan, halkaas oo ay ku sugnaayeen Xubno katirsan Kooxda Al-Shabaab.
Wasaaradda Amniga Maamul Goboleedka Hir-Shabeelle ayaa waxaa lagu sheegay in Xoreynta Al-Shabaab ee Degmada Buq Aqable ay ka dhigan tahay in ay gacantooda kabaxday magaalo weyn oo muhiim u aheyd jiritaan Al-Shabaab.
Gudoomiyaha Gobalka Hiiraan Cali Jeeyte Cismaan oo ay wehliyeen Xildhibaano iyo wasiiro ka’tirsan Hirshabelle Gudoomiye ku-xigeenka Koowad ee siyaadda iyo maaliyada Gobalka Hiiraan Abuukar Cabdullahi Maadey iyo odayaasha Dhaqanka Gobalka Hiiraan ayaa Ciidamada dib u xoreynta degaannada Gobalka Hiiraan ee ka barbar dagaalamayo Ciidamada Qalabka sida ku booriyey inay laba jibaaraan dadaalka ay bixinayaan iyo sida aay u xaqiijiyeen Abaabulkii xiliga adag aay ku bilaabeen oo aay isaga xureeynayeen Al-Shabaab.
Ugu dambeyntii Gobollada Baay, Hiiraan, Mudug iyo Galgaduud aya waxaa ka soconayo dagaallo ka dhan ah Al-Shabaab, waxaana howlgalladaas qayb ka ah maleeshiyaadka Macawiisleyda.
Xafiiska Wararka Halqaran.com
Halqarannews@gmail.com
Halqarannews@gmail.com
