Muqdisho(Halqaran.com) –Wasaaradda Arrimaha Gudaha,Federaalka iyo Dib U Heshisiinta XFS ayaa Baaq Nabadeed u dirtay beelo walaalo ah oo ku dagaalamay qaybo ka mid ah deegaannada hoos yimaada Raagaceele iyo degmada Cadale.
Halkaan ka akhriso:
Wasaaradda Arrimaha Gudaha,Federaalka iyo Dib U Heshisiinta XFS waxaa ay Baaq Nabadeed u direysaa Walaalaha ku Dagaalamay qaybo ka mid ah deegaannada hoos yimaada Raagaceele iyo degmada Cadale ee gobolka Shabeelada dhaxe ee Dowlad Goboleedka Hirshabeele.
dhanka kale waxaa ay Wasaaraddu ugu baaqaysaa Odayaasha Dhaqanka, iyo Waxgaradka deegaanka inay ka shaqeeyaan joojinta colaadda dhax martay walaalaha labadaasi deegaan.
Wasaaradda Arrimaha Gudaha, federaalka iyo Dib U Heshisiinta XFS waxay si gaar ah ugu boorineysaa walaalaha ay dirirtu dhax martay inay is xakameeyaan, kana fogaadaan wax kasta oo kala fogeyn kara walaaltinnimada dhexdooda ah, dagaalkana ay Joojiyaan.
Xafiiska Wararka Halqaran.com
Halqarannews@gmail.com
