Sanaag (Halqaran.com) – Waxaa faah-faahino cusub oo dheeraad ah kasoo baxaya dagaal Khasaare geystay oo labo maleeshiyo beeled ku dhexmaray deegaano ka tirsan gobolka Sanaag.
Wararka ayaa sheegaya, in dagaalkan uu udhaxeeyay laba maleeshiyo beelood oo ka tirsan labada beelood ee deegaanka Waqdariya wada dega, waxaana la sheegay inay labada dhinacba ay isku adeegsanayaan hub culus.
Dagaalka ayaa yimid kadib markii labada dhinac ay ku murmurmeen dhul-daaqsimeed ku yaalla deegaanka Waqdariya iyo tuulooyin ku dhaw.
Wararka ayaa intaasi ku daraya in khasaare isugu jira dhimasho iyo dhaawac uu ka dhashay dagaalkaasi oo weli socda, sidoo kalena la maqlayo jugta rasaas xooggan oo ay is-dhaafsnayaan labada dhinac.
Waxaa dab la qabadsiiyay qeybo ka mid ah deegaanka Waqdariye ee gobolka Sanaag, sida dadka deegaanka ay ku soo warramayaan. Sidoo kale goobaha la gubay ayaa ka mid ahaa Masaajid ku yaalla deegaankaasi.
Xafiiska Wararka Halqaran.com
Halqarannews@gmail.com
