Jigjiga (Halqaran.com) – Guddoomiyaha Golaha Shacabka ee Baarlamaanka Soomaaliya, Maxamed Mursal Sheekh Cabdiraxmaan iyo Wafdi uu hoggaaminayo ayaa Arbacadii maanta gaaray Magaalada Jigjiga ee Xarunta Dowlad Deegaanka Soomaalida Itoobiya.
Wafdiga Guddoomiyaha Golaha Shacabka oo tan iyo Isniintii ku sugnaa Magaalada Addis Ababa ee Xarunta Itoobiya ayaa kula kulmay Gudoomiyaha Baarlamaanka Itoobiya, Tagesse Chafo.
Wafdiga Guddoomiyaha ayaa waxaa Garoonka Garaad Wiil Waal ee Magaalada Jigjiga ku soo dhaweeyay masuuliyiin uu ugu sareeyo Guddoomiyaha Baarlamaanka ee Dowlad Deegaanka Soomaalida Itoobiya, Cabdi Maxamed Aadan
Guddoomiye Mursal iyo wafdigiisa ayaa inta ay ku sugan yihiin Magaalada Jigjiga waxay kula kulmi doonaan Madaxda Dowlad Deegaanka.
Tani ayaa noqoneysa markii ugu horeysay oo gudoomiyaha Golaha Shacabka uu booqasho ku taggo Magaalada Jigjiga, tan iyo markii uu xilka qabtay, sanadkii hore ee 2018.
Xafiiska Wararka Halqaran.com
Halqarannews@gmail.com
