Muqdisho (Halqaran.com) – Ciidamada Xoogga dalka gaar ahaan Kumaandooska GorGor ayaa maanta la-wareegey fariisimo cusub oo ay Al-Shabaab ka go’doomin jireen Degmada Matabaan iyo deegaanada hoostaga.
Deegaanada howlgalada ay Ciidamada ka sameeyeen waxaa ka mid ah. Labi ceebad, Bacaha, Beergadiid, Xodale, Xajiin farayar, laasaban iyo Coomaad deegaanadaas oo dhamaantood u dhaxeeya magaalooyinka Baladweyne iyo Matabaan.
Taliyaha ururka 3-aad guutada 17-aad ee GorGor Dhamme Jamaal Cilmi Aadan oo Warbaahinta la hadlay ayaa sheegay in deegaanada ay ciidanka la wareegeen xubnihii ka tirsanaa Al-shabaab ay iskaga firxadeen, kadib markii ay ka war heleen in ciidanka Xoogga ay kusoo wajahan yihiin.
Taliyaha ayaa intaas ku daray inay Howlgalkoodu uu yahay mid sii socon doona illaa A-Shabaab ka saaraan meelaha ay kaga sugan yihiin gobolka Hiiraan.
Xafiiska Wararka Halqaran.com
Halqarannews@gmail.com
