Berdaale (Halqaran.com) – Wararka naga soo gaaraya degmada Berdaale ee gobolka Baay, ayaa sheegaya in ciidamada daraawiishta dowlad goboleedka Koonfur Galbeed ee ku sugan Degmadaasi howlgal ay sameeyeen ku soo qabteen hub farabadan iyo Agab kale.
Saraakiisha Ciidamada Daraawiishta Koonfur Galbeed ayaa waxaa ay sheegeen in howlgalka ay ka sameeyeen Deeganka Moorawarabe oo 20-KM u jirta Degmada Berdaale, isla markaana ay beegsadeen Xarumo ay ku sugnaayeen Xubno ka tirsan Ururka Al-Shabaab.
Gudoomiyaha Degmada Berdaale, Maxamed Isaxaaq Aracase ayaa soo bandhigeyay rasaasta loorar ay lacag Shillin Soomaali ah ku jirtay iyo Agab kale, iyaga oo sheegay inay kala wareegeen maleeshiyaadka Al-Shabaab waa sida uu hadalka u dhigay.
Wuxuu kaloo sheegay, guddoomiyaha in Al-Shabaab deegaanno badan oo ka tirsan Gobolka Baay ay ka saari doonaan gaar ahaan kuwa hoos yimada Degmada Berdaale ee Gobolka Baay.
Xafiiska Wararka Halqaran.com
Halqarannews@gmail.com
