Muqdisho(Halqaran.com) –Ciidamada Badda Jamhuuriyadda Iiraan ayaa afduubtay Markab nuuca Shidaalka qaada oo mararay gacanka Khaliijka kaddib markii ay ku eedeeyeen in uu tahriibinayay Shidaal sida hadalka loo dhigay.
Sarkaal katirsan Ciidanka Ilaalada Kacaanka ayaa sheegay in markabka ay la socdeen 11 ruux oo ajaanib ah balse ma sheegin dalalka ay u kala dhasheen, iyo shirkadda leh Markabka.
Dhacdadan ayaa noqonaysa tii ugu dambaysay ee dhacdooyiin is xig-xigay oo ka dhacday gacanka khaliijka, halkaas oo dhawrkii sano ee la soo dhaafay lagu weeraray maraakiib ama la qabsaday.
Sido Mareykanka iyo Xulufadiisa ayaa Iiraan dusha ka saaray weeraro qaarkood lagu gubay Maraakiib nuuca shidaalka qaada, balse Xukuumadda Tahran ayaa iska fogeysay eedeemaha Washington.
Xafiiska Wararka Halqaran.com
Halqarannews@gmail.com
