Muqdisho(Halqaran.com)-Waxaa faahfaahino dheeraad ah ay ka soo baxayaan dadkii ay doontu saakay kula dagtay wabiga Shabeelle ee mara magaalada Beledweyne, waxay dadka ku howlan gurmadka loo fidinayo dadkii ku harqaday biyaha ay sheegeen inay ku geeriyoodeen dad ay ka mid yihiin Dahabo Xasan iyo Deeqo Axmed oo ka mid ahaa dadkii ay saaka Doonto la qalibantay.
Dahabo Xasan Axmed waxa ay aheyd la taliyihii arrimaha Haweenka Madaxweynaha Hir-Shabeelle Maxamed Cabdi Waare, waxaana ilaa hadda la helin meydkeeda.
Allaha u naxariistee Deeqo oo iyadu aheyd gabar u dhaq dhaqaaqda arrimaha Bulshada ayaa goordhow maydkeeda laga helay gudaha Wabiga Shabeelle oo ay saakay kula dagtay Doon ay uga talaabayeen biyaha
Sidoo kale waxaa jira dad uu ka mid yahay xoghayihii guddoomiyaha Beledweyne oo aan wali nolol iyo geeri midna lagu heyn, kuwaas oo haatan ay magaalada dul wareegayaan diyaarado Helicopter ah lagu baadi goobayo.
Xafiiska Wararka(Halqaran.com)
Halqarannews@gmail.com
