Tooratoorow (Halqaran.com) – Howgallo culus oo ay Fuliyeeen ciidamadda Kumaandooska ah ee DANAB ayaa waxa uu ka dhacay deegaanno ka tirsan Gobolka Shabeelada Hoose Halkaasi oo ay saldhigyo, ku lahaayeen Ururka Al-shabaab waxaana ka soo baxaya faah faahinno dheerad ah oo ku aaddan howgallada ay sameeyeen Ciidanka.
Wararka ayaa sheegaya in Ciidamadda Kumaandooska ee DANAB ay howlgal si gaar ah u qorsheysanaa ay kafuliyeen deegaanada Tooratoorow iyo Caliyoow Baaroow.
Saraakiisha Ciidanka DANAB ayaa sheegay in ujeedka howlgalka uu ahaa burburin barkontarool oo ay ku lahaayeen degaannadaas Argagixisada Al-Shabaab, isla markaana dadka ay lacago uga qaadi jireen.
Ciidamada ayaa inta uu howlgalka socda gacanta ku soo dhigay lix xubnood oo katirsan Maleeshiyada Al-shabaab kuna sugnaa degaannada Tooratooro& Caliyoow Baarow islamarka ay ciidamadula waregeen Barta-koontarool oo ay lacagta baada ku qaadi jiren.
Saraakiisha Ciidamada DANAB ayaa waxa ay sheegeen inay sii wadi doonaan howlgallada ka dhanka ah Dagaalamaysha Al-Shabaab si degaannada Gobolka Shabeellaha Hoose ay kaga sugan yihiin ay uga saaraan.
Ugu dambeyn Xaaladda ayaa haatan deggan, waxaana lagu soo warramayaa in ciidamada Danab ay dib ugu laabteen saldhigooda ku yaalla garoonka Balidoogle ee gobolka Shabeelaha Hoose.
Xafiiska Wararka Halqaran.com
Halqarannews@gmail.com
