Muqdisho (Halqaran.com) – Wasiirka Wasaaradda Haweenka iyo horumarinta Xuquuqda Aadanaha XFS xildhibaan, Xaniifa Maxamed Ibraahim Xaabsade ayaa maanta u furtay tababar agaasimeyaasha guud ee wasaaradaha haweenka dowladaha xubnaha ka ah dowladda federaalka Soomaaliya iyo maamulka gobolka Banaadir.
Waxa uu ku saabsanyahay Tababarkan soo bandhigista waxyaabaha hor tebinta u leh barnaamijka Haweenka iyo nabadda ee ay wasaaradda Haweenka ee dowladda federaalka Soomaaliya ay waddo.
Wasiir Xaniifa Maxamed oo ka hadashay furitaanka tababarka ayaa sheegtay in ay rajo weyn ka qabto in gunaanadka tababarkan ay ka soo bixi doonaan warbixinno muhiim ah, kuwaas oo wax weyn ka baddali doona hanaan ka iyo habsami u socodka barnaamijka Haweenka iyo nabadda ee Dalka.
Ugu dambeyn Tababarkan ayaa waxaa lagu wadaaa oo loo qorsheeyay in uu socdo muddo labo maalin ah,tababarkaan waxaa ka horeeyay mid kale oo ay yeesheen guddiga farsamada barnaamijka Haweenka iyo nabadda.
Xafiiska Wararka Halqaran.com
Halarannews@gmail.com
