Muqdisho(Halqaran.com) – Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble ayaa guddoomiyey Shirka Golaha Wasiirrada oo ku saabsanaa xaaladda guud ee dalka, ansixinta miisaaniyadda dowladda 2022 ka .
Golaha Wasiirrada ayaa ugu horayn ansixiyey miisaaniyadda Soomaaliya ee sanadka 2022 oo dhan 699.1 Milyan sida uu sheegay afhayeenka Xukumadda Maxamed Ibraahim Macalimuu oo warbaahinta la wadaagay qodobadii looga dooday shirka golaha wasiiradda Soomaaliya.
Ra’iisul Wasaare Maxamed Xuseen Rooble oo bogaadiyey kororka iyo ansixinta miisaaniyadda dowladda ee sanadka 2022-ka ayaa ku bogaadiyey Wasaaradda Maaliyadda oo miisaaniyadda 2022-ka ku soo dhammays tirtay waqtigii loo muddeeyey, dhammaan hey’adaha dowladda ee ka shaqeeyay kordhinta dakhliga dowladda iyo Golaha Wasiirrada oo ansixiyay.
ugu dambeybtii Miisaaniyadda dowladda Soomaaliya ayaa ah sanada 2022 ka 669 Million oo doollar oo ay meel mariyeen Xukuumadda Federaalka Soomaaliya taasi oo ka kooban Mushaarka Shaqaalaha, Caafimaadka iyo mashaariicda horumarinta Dalka .
Xafiiska Wararka Halqaran.com
Halqarannews@gmail.com
