Muqdisho(Halqaran.com) – Wasiiradda Wasaarada Haweenka &Hormarinta Xaquuqul Insaanka ee DFS Marwo Xaniifa maxamed ibraahim xaabsade ayaa waxa ay si kulull ugu hadashay arinta Maanta ka dhacday Gobolka Sool Gaar ahaan laascaanood oo lagu soo masaafuriyey ku dhawaad 700 oo qof oo ka soo jeeda koonfurta Soomaaliya gaar ahaan Gobolada Baay iyo Bakool.
Waxaa xusid mudan Dadkan ay soo masaafurisay Somaliland ayaa isugu jiray Haween, dhalinyaro, Carruur iyo Odayaal oo ku jiraan Ganacsato yaryar, waxaana Somaliland ay dadkaas ku eedeysay amni-darro iyo dilal qorsheysan oo maalmihii lasoo dhaafay ka dhacayay Laascaanood.
War qoraal ah oo ay ku soo qortay barteeda Facebook ga wasiirada Haweenka iyo Hormarinta xaquuqul insaaka ayaa u qornaa sidaan.
“Waxaan aad ugu xumahay Dadka Soomaaliyeed in Dalkooda dhaxdisa laga masaafuriyo Arimaha noocan ah dadka Soomaaliyed Waxa ay ukeeneysaa kala fogaansho hor leh mana ahan dhaqan Soomaaliyed iyo dhaqan muslim waana fal cunsiriyad oo heeb sooc ah dadka soomaaliyed waa ay isku dhax noolyihiin wayna isku dhax noolaan doonaan”ayey tiri .
Hadalkaan ayaa ku soo aadaya kadib maanta marki ay Booliska Somaliland ku dhawaad 700 oo qof oo ka soo jeeda koonfurta Soomaaliya gaar ahaan Gobolada Baay iyo Bakool isugu geeyay Garoonka kubada Cagta Laascaanood, iyagoona halkaas kasoo saaray gaadiidka nooca xamuulka, isla markaana soo masaafuriyey, kuna eedeeyay dadkaas amni-darro iyo dilal dhacay magaalada Laascaanood ee gobolka Sool.
Xafiiska Wararka Halqaran.com
Halqarannews@gmail.com
